Aa |   aA
ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | ឃាត់ខ្លួនជនបរទេសជិត១០នាក់ ពាក់ព័ន្ធករណីកាន់កាប់អាវុធខុសច្បាប់ នៅខេត្តព្រះសីហនុ | BREAKING: ផ្អើលករណីពុលសាំងវិច ពីហាងសំពៅមាស មន្ត្រីសាលាក្រុងព្រះសីហនុ ជិត៥០នាក់កំពុងព្យាបាល | សម្តេច​តេ​ជោ ហ៊ុន សែន រំលឹកពី​អាហារ​​មួយពេល​ជា​ប្រវត្តិសាស្ត្រ​ជាមួយ​មេដឹកនាំ​ខ្មែរក្រហម​ | Update៖ ធ្លាក់យន្តហោះនៅកូរ៉េខាងត្បូង ឆក់ជីវិតអ្នកដំណើរស្ទើរតែទាំងអស់នៅលើយន្តហោះ | សម្តេចនាយករដ្ឋមន្ត្រី ហ៊ុន ម៉ាណែត ប្រារព្ធទិវាសន្តិភាពនៅកម្ពុជា ជាមួយនឹងការប្រកួតបាល់ទាត់មិត្តភាព | ប្រធានាធិបតីសហរដ្ឋអាមេរិកទី៣៩ លោក ជីមមី ខាតធ័រ ទទួលមរណភាពនៅអាយុ ១០០ឆ្នាំ |

ច្បាស់ៗអំពីបទបញ្ជាការប្រកួតនៃពានរង្វាន់ថ្មី CNCC League Cup 2021

  • ចុះផ្សាយថ្ងៃទី៣១ ខែឧសភា ឆ្នាំ២០២១ ម៉ោង ១២:៤៥ នាទី ដោយ Mesa
  • 510
  Aa |   aA

ភ្នំពេញ៖ នៅព្រឹកថ្ងៃចន្ទនេះ គណៈកម្មការប្រកួតបាល់ទាត់ជាតិកម្ពុជា​ (CNCC) បានប្រកាសពីការចាប់ឆ្នោតបែងចែកពូលនៃពានរង្វាន់ថ្មី CNCC League Cup ២០២១ ក្នុងគោលបំណងជំរុញឱ្យក្លិបបាល់ទាត់នីមួយៗនៅតែមានសកម្មភាពប្រកួត និងមមាញឹកក្នុងអំឡុងការសម្រាក FIFA Day។ ក្នុងនោះការប្រកួតត្រូវបានចូលរួមពីក្រុមចំនួន ៨ និងបែងចែកជា ២ពូលរួមមាន៖ ពូល A ក្លិបភ្នំពេញក្រោន ក្លិបបឹងកេត ក្លិបវិសាខា និង អាយអេសអាយដង្កោសែនជ័យ ខណៈពូល B​ វិញរួមមាន ក្លិបកងយោធពលខេមរភូមិន្ទ ក្លិបព្រះខ័នរាជស្វាយរៀង ក្លិបបាល់ទាត់ព្រៃវែង និងសាលាបាល់ទាត់ជាតិបាទី។

ចំពោះប្រព័ន្ធប្រកួតនៃពានរង្វាន់ CNCC League Cup ២០២១ By Forward នេះមានដូចខាងក្រោម៖ 

ប្រព័ន្ធប្រកួតត្រូវបានបែងចែកជាពីរ(០២)ពូល គឺ៖ ពូល A និង B ដែលប្រកួតសរុប ១៥ប្រកួត។

- ការប្រកួតទាំងអស់នឹងមិនមានការគិតគ្រាប់បាល់ (ទ្វេរដង Away Goal) ចូលទីនៅទឹកដីក្រៅផ្ទះនោះទេ។

- ក្រុមដែលទទួលបានចំណាត់ថ្នាក់លេខ ១ និងលេខ ២ នៃពូល A និង B មានសិទ្ធិឡើងទៅវគ្គពាក់កណ្តាលផ្តាច់ព្រ័ត្រ។

- ការប្រកួតនេះនឹងចាប់ផ្តើមពីថ្ងៃទី០៥ ខែមិថុនា ដល់ថ្ងៃទី២៧ ខែមិថុនា ឆ្នាំ២០២១។

- ការចាប់ឆ្នោតបែងចែកពូលរៀបចំដោយ គណ:កម្មការប្រកួតបាល់ទាត់ជាតិកម្ពុជា។

- កីឡាករអាចប្តូរបានចំនួន ០៥នាក់ ក្នុងរយៈពេលបីដង ដោយមិនរាប់បញ្ចូលការប្តូរពេលសម្រាកចន្លោះវគ្គ កីឡាករប្តូរចេញហើយ មិនអាចចូលលេងវិញបានទេ បើសិនមានកីឡាករតិចជាង ០៧នាក់ (ចាត់ទុកថាបានបោះបង់ការប្រកួតចោល)។

- ការប្រកួតនីមួយៗមានរយៈពេលកៅសិប (៩០) នាទី និងមានពីរ (២) វគ្គ ហើយមានរយៈពេលសែសិបប្រាំ (៤៥) នាទី (រយៈពេលលេងធម្មតា) ក្នុង១វគ្គ។ ការប្រកួតត្រូវចាប់ផ្តើមតាមម៉ោងដែលបានកំណត់នៅក្នុងកាលវិភាគប្រកួត និង រយៈពេលសម្រាកគឺ ដប់ប្រាំ (១៥) នាទី នៅចន្លោះតង់ ដែលចាប់ផ្តើមពីការផ្លុំកញ្ចែបញ្ចប់តង់ទីមួយ និងនៅពេលផ្លុំកញ្ចែចាប់ផ្តើមប្រកួតតង់ទីពីរ។

- ក្នុង១ក្រុមអាចចុះឈ្មោះមន្រ្តីបាន១០នាក់ និងកីឡាករយ៉ាងតិច១៨នាក់ ទៅ ៤០នាក់ ចំពោះកីឡាករចាប់ពីអាយុ ១៦ឆ្នាំឡើងទៅ។

* ការកំណត់ចំណាត់ថ្នាក់ នៅពេលបញ្ចប់ការប្រកួតនីមួយៗ៖

១. ពិន្ទុបី (៣) នឹងត្រូវផ្តល់ជូនក្រុមឈ្នះ។

២. ពិន្ទុមួយ (១) នឹងត្រូវផ្តល់ជូនក្រុមចូលរួមនីមួយៗដែលទទួលលទ្ធផលស្មើគ្នា។

៣. ពិន្ទុសូន្យ (០) នឹងត្រូវផ្តល់ជូនក្រុមចាញ់។

១.៤. ប្រសិនបើមានក្រុមពីរ ឬ លើសនេះ មានពិន្ទុស្មើគ្នា នោះការគិតចំណាត់ថ្នាក់នឹងអនុវត្តតាមលំដាប់ដូចខាងក្រោម៖

១.៤.១. ពិន្ទុសរុបក្រុម (លទ្ធផល) ដែលពាក់ព័ន្ធ (ក្រុមប្រឈម)។

១.៤.២. ផលសងគ្រាប់បាល់សរុបរវាងក្រុមដែលពាក់ព័ន្ធ (ក្រុមប្រឈម)។

១.៤.៣. គ្រាប់បាល់ទាត់ចូលទីគេសរុបរវាងក្រុមដែលពាក់ព័ន្ធ (ក្រុមប្រឈម)។

១.៤.៥. ផលសងគ្រាប់បាល់សរុប។

១.៤.៦. គ្រាប់បាល់ទាត់ចូលទីគេសរុប។

១.៤.៧. ទាត់បាល់ ១១ម៉ែត្រ បើពាក់ព័ន្ធតែពីរក្រុម ហើយក្រុមទាំងពីរកំពុងលេងនៅលើទីលាន។

១.៤.៨..ក្រុមមានចំណាត់ថ្នាក់ Fair Play ល្អជាងគេ។ ពិន្ទុតិចជាងគេ ដែលបានដោយការបូកសរុបកាតលឿងនិងកាតក្រហមពីការប្រកួតទាំងអស់របស់ក្រុម៕

ប្រភព៖ Ma Pheara រូបភាព៖ CNCC




ព័ត៌មានជាច្រើនទៀតសម្រាប់អ្នក